މަސްޖިދުލް ފަލާޙްގެ މަރާމާތުތަކެއް ކޮށްދޭނެ ފަރާތެއް ބޭނުންވެއްޖެ

މި ރަށު މަސްޖިދުލް ފަލާޙްގެ ލޯޑު ސްޕީކަރުތަކަށް އަޅާފައިވާ ނަރު ބަދަލުކުރުމާއި، ލޯޑުތައް ހަރުކޮށްފައިވާ ބައިގެ ބައެއް މަރާމާތުތަކާއި މުންނާރުގެ ބައެއް މަރާމާތުތައް ހިމެނޭހެން އިތުރު މަސައްކަތްތަކަކާ އެކު ބައެއް މަރާމާތުތައް ކޮށްދޭނެ ފަރާތެއް ހޯދަން ބޭނުންވެއެވެ.

ވީމާ، މިކަމަށް ޝައުގުވެރިވާ ފަރާތްތަކުން "ބީލަމުގައި ރަޖިސްޓްރީވުމަށް އެދޭ ފޯމް" ފުރުއްވުމަށްފަހު ކައުންސިލް އިދާރާގެ އީމެއިލް procurement@fainu.gov.mv ފޮނުއްވުން އެދެމެވެ. ނުވަތަ މިއިދާރާއަށް ދުރުވެ ހުށަހަޅައި ރަޖިސްޓްރީ ކުރެއްވުން އެދެމެވެ. މި މަސައްކަތަށް ބީލަން ހުށަހެޅޭނީ ވިޔަފާރިކުރުމުގެ ޤާނޫނުގެ ދަށުން މިނިސްޓްރީ އޮފް އިކޮނޮމިކް ޑިވެލޮޕްމަންޓްގައި ރަޖިސްޓްރީކޮށްފައިވާ ފަރާތްތަކަށެވެ. ބީލަމާ ގުޅޭ އިތުރު މައުލޫމާތު ބިޑުގައި ރަޖިސްޓްރީވާ ފަރާތްތަކަށް ފޮނުވޭނެއެވެ. މިބީލަމާއި ގުޅިގެން ދޫކުރެވޭ އެންމެފަހުގެ މަޢުލޫމާތުތައް ހޯދުމާއި ބީލަމުގައި ރަޖިސްޓްރީވިކަން ކަށަވަރުކުރުމަކީ ބީލަމަށް ކުރިމަތިލާ ފަރާތުގެ ޒިންމާއެކެވެ.

އިއުލާނާއި ގުޅޭ އެކި މަރުހަލާތައް ދާނެގޮތުގެ ތާވަލު
• ބީލަން ހުށަހެޅުމަށް ރަޖިސްޓްރީކުރުން: 23 އޮކްޓޯބަރ 2025 ވަނަ ދުވަހުގެ 11:00 ގެ ނިޔަލަށް

• ބީލަން ބަލައިގަތުން: 30 އޮކްޓޯބަރ 2025 ވަނަ ދުވަހުގެ 11.00 ގެ ނިޔަލަށް.

• ބީލަންތައް ހުޅުވުން: 30 އޮކްޓޯބަރ 2025 ވަނަ ދުވަހު 11:05 ގައި ފައިނު ކައުންސިލް އިދާރާގެ ޖަލްސާކުރާ މާލަމުގައި

ބީލަން ހުޅުވުން އޮންނާނީ ބީލަން ހުށަހަޅާ ފަރާތްތަކުގެ އެއް ހާޒިރުގައެވެ. ބީލަން ހުށަހެޅުމަށް ބަދަލުގައި އެހެންފަރާތެއް ފޮނުވާނަމަ، އެކަން އަންގައިދޭ ސިޓީއެއް ހުށަހަޅަންވާނެއެވެ. ބީލަންތައް ހުންނަންވާނީ ބަންދުކުރެވިފައި ސިޓީއުރައެއްގައެވެ. މިކަމާއި ގުޅޭގޮތުން އިތުރު މައުލޫމާތު ހޯދުމަށް އިދާރާގެ ނަންބަރު 4000311 ނުވަތަ އީމެއިލް procurement@fainu.gov.mv އަށް މެދުވެރިކޮށް ސާފުކުރެއްވުން އެދެމެވެ.

ވީމާ، މިކަން އާންމުކޮށް އެންގުމަށްޓަކައި އިއުލާން ކުރީމެވެ.

ތާރީޚް މ: 14 އޮކްޓޯބަރ 2025
ނަންބަރު: (IUL)311/311/2025/38
ގުޅުންހުރި ފައިލް: ބިޑު ރަޖިސްޓްރޭޝަން ފޯމް